Навіны
ЕЭК выпрацоўвае ўзгодненыя падыходы па барацьбе з парушэннямі правоў на аб'екты інтэлектуальнай уласнасці ў Інтэрнэце
Пра гэта падчас пасяджэння Кансультатыўнага камітэта па інтэлектуальнай уласнасці паведаміў міністр па эканоміцы і фінансавай палітыцы Еўразійскай эканамічнай камісіі Руслан Бекетаеў. Абмеркаванне ўзгодненых падыходаў па барацьбе з парушэннямі правоў інтэлектуальнай уласнасці ў сетцы Інтэрнэт на пляцоўцы ЕЭК пачалося сёлета.
«Вынікам працы ЕЭК у гэтай сферы стане заключэнне пагаднення ў рамках ЕАЭС, у якім будуць закладзены асноўныя прынцыпы, на аснове якіх будзе ажыццяўляцца гарманізацыя заканадаўства дзяржаў Саюза ў сферы процідзеяння парушэнням правоў інтэлектуальнай уласнасці ў сетцы Інтэрнэт», – адзначыў Руслан Бекетаеў.Таксама ўдзельнікам пасяджэння Кансультатыўнага камітэта прадстаўлена справаздача па маніторынгу правапрымяняльнай практыкі ў сферы абароны правоў на аб'екты інтэлектуальнай уласнасці ў ЕАЭС за 2020 год.
«За апошнія пяць гадоў у краінах ЕАЭС выяўлена больш за 80 млн адзінак кантрафактных тавараў. Пры гэтым, калі ў перыяд з 2016 па 2019 год у ЕАЭС назіралася агульная тэндэнцыя да павелічэння парушэнняў у сферы інтэлектуальнай уласнасці, то ў 2020 годзе выяўлена 13,6 млн адзінак кантрафактнай прадукцыі, што на 11% менш за паказчык 2019 года», – падкрэсліў Руслан Бекетаеў.
У прыватнасці, гэта тлумачыцца актывізацыяй дзейнасці ўпаўнаважаных органаў краін ЕАЭС па барацьбе з нелегальным абаротам тавараў ва ўмовах пандэміі COVID-19.
Акрамя таго, разгледжаны пытанні магчымага ўзаемнага прадстаўніцтва, у тым ліку прызнання электроннага лічбавага подпісу пры атрыманні дзяржаўных паслуг у сферы інтэлектуальнай уласнасці ў краінах Саюза, а таксама прававога рэгулявання па абароне правоў на аб'екты інтэлектуальнай уласнасці ў дачыненні да тавараў, якія былі ва ўжыванні.
Даведка:
Кансультатыўны камітэт па інтэлектуальнай уласнасці створаны 25 верасня 2012 года. У склад камітэта ўваходзяць кіраўнікі, намеснікі кіраўнікоў міністэрстваў і ведамстваў і прадстаўнікі бізнес-супольнасці дзяржаў ЕАЭС.
Камітэт займаецца падрыхтоўкай рэкамендацый для ЕЭК у сферы інтэлектуальнай уласнасці, правядзеннем кансультацый, падрыхтоўкай прапаноў па ўзаемадзеянні ўпаўнаважаных органаў дзяржаў ЕАЭС і іншымі пытаннямі.
